rDEX don dey mainnet
Make we start to dey jollificate because StaFi don finally launch StaFi rDex for on top mainnet. E don tey wey StaFi been don dey work on top dis rDex becos if dey wan do sometin dey must make sure say na confam tin dem go bring commot.
Na so dem start to dey do work on top dis rDex, dem even invite pipu make dem test am on top wetin dem dey call testnet to see weda the rDex na correct plus dem come hire Peckshield pipu make dem follow test am see weda everytin fresh for the app.
As dem Peckshield don go give go ahead say talk say everytin dey ok na him stafi take release the rDex. Na dis rDex go make pipu to dey trade their token without wahala. The reason be say liquidity go dey berekete for the platform.
The trading go involve rFIS/FIS, rBNB/FIS, rETH/FIS, rDOT/FIS, rATOM/FIS, rSOL/FIS, rMATIC/FIS.
For all these token na only rETH na him pesin no fit collect for StaFi chain, na for Ethereum chain na him pesin go fit collect rETH. From there pesin go use rBridge take swap am come StaFi chain.
WETIN BE THE BETA TIN FOR RDEX
For rDex pesin no need to dey worry say weda him go see enough moni take change him token. If moni neva dey e go take time before pesin go fit exchange or trade him token. Dat one no be problem becos liquidity berekete for inside rDex.
The moni wey pesin go pay for fee small well wel so no need to worry about fee wey fit cut pesin head.
If you wan give moni like liquidity on top rDex you go fit first do deposit of like one abi two token. The matter no hard.
The moni wey dey rDex dey safe becos StaFi bin don use many styles take test am:
-E don use Peckshield project pipu wey sabi do security check
-E don use bug bounty program make him community pipu follow check am
-E don use testnet bug bounty program wey Immunefi anoda security pipu do for dem.
StaFi don also do insurance incase any bad tin wan happen to moni wey dey rDex so dat e no go too affect pipu wey dem moni dey rDex. Na 5 million FIS dem wan use on top the matter
Also dem wan do small awuf for pipu wey go like put their moni on top rDex. After dem go talk how dem wan do am. StaFi don try well well.
WETIN BE STAFI
Dem be DeFi protocol wey dey help pipu to see gain on top wetin dey don stake for blockchain. The tin be say before if persin don stake him coin e no dey easy to get am except e go wait for when time go reach to collect am or e go lose some coin if e no fit wait.
StaFi don change am for we blockchain pipu because now if you stake coin for StaFi app, dem go give you another kain token wey dem dey call reward token wey you go fit dey use trade and you go fit transfer am at any time.
make you visit for more tori.
rToken App: https://app.stafi.io
Telegram Chat: https://t.me/stafi_protocol
Telegram Announcements: https://t.me/stafi_ann